நீங்கள் தேடியது "இந்தோனேசியா ஓபன் பேட்மிண்டன்"

இந்தோனேசியாவில் உள்ள ஜகர்தாவில் இந்தோனேசியா ஓபன் பேட்மிண்டன் தொடர் நடைபெற்று வருகிறது. இதில் பெண்களுக்கான ஒற்றையர் பிரிவின் முதல் சுற்றில் இந்தியாவின் பிவி சிந்து தாய்லாந்தின் சோசுவாங்கை எதிர்கொண்டார்.



இதில் முதல் செட்டை பிவி சிந்து 21-15 என எளிதில் கைப்பற்றினார். ஆனால் 20 வயதேயான இமம் வீராங்கனையான சோசுவாங் 2-வது செட்டை 21-19 எனக்கைப்பற்றினார். சுதாரித்துக் கொண்ட பிவி சிந்து 3-வது செட்டை 21-13 எனக்கைப்பற்றி 2-வது சுற்றுக்கு முன்னேறினார்.

இந்தோனேசியாவில் உள்ள ஜகர்தாவில் இந்தோனேசியா ஓபன் பேட்மிண்டன் தொடர் நடைபெற்று வருகிறது. ஆண்களுக்கான ஒற்றையர் பிரிவின் தொடக்க ஆட்டத்தில் இந்தியாவின் முன்னணி வீரரான எச்எஸ் பிரணாய் இரண்டு முறை ஒலிம்பிக் சாம்பியன் பட்டம் வென்ற சீனாவின் லின் டான்-ஐ எதிர்கொண்டார்.

இதில் இந்திய வீரர் பிரணாய் அபாரமான ஆட்டத்தை வெளிப்படுத்தினார். முதல் செட்டை 21-15 என பிரணாய் வீழ்த்தினார். ஆனால், 2-வது செட்டை 9-21 என கோட்டை விட்டார். என்றாலும் வெற்றியை தீர்மானிக்கும் 3-வது சுற்றை 21-14 எனக்கைப்பற்றி லின் டானை முதல் சுற்றோடு வெளியேற்றினார்.



பிரணாய் 2-வது சுற்றில் வாங் சு வெய்-ஐ 2-வது சுற்றில் எதிர்கொள்கிறார். இவர் இந்திய வீரர் சாய் பிரனீத்தை 21-10, 21-13 என வீழ்த்தியவர் ஆவார். பிரணாய் உடன் சமீர் வர்மாவும் 2-வது சுற்றுக்கு முன்னேறியுள்ளார்.